XORNADAS DE PORTAS ABERTAS

Temos a seguridade que nas xornadas de portas abertas nos centros de ensino haberá ocasión para que ás respectivas ANPAs fagan a súa presentación como parte esencial da comunidade educativa. En varios casos devén necesaria a presentación da entidade dado que é a Asociación quen asume no centro a prestación de servizos que as administracións públicas non lles acae ben atender.

Xuntamos aquí a lista de ANPAs, os datos de contacto electrónico e as ligazóns aos medios de comunicación propios de cada entidade. Empezando por as dos centros onde estes días terá lugar a apertura de portas….

APA O LOUREIRO (EEI Vilarrodrís)

apa.oloureiro@hotmail.com 

ANPA BARRIONOVO

ampa.barrionovo@hotmail.es

https://www.facebook.com/anpa.barrionovo.3

APA MANUEL MURGUíA (CEIP Galán)

anpagalan@gmail.com

https://anpagalan.blogspot.com/

https://www.facebook.com/AnpaCeipGalan/

APA A GAIVOTA (CEIP San Xosé Obreiro)

gaivotameicende@yahoo.es

https://www.facebook.com/agaivota.anpa

E o resto das que non teñen aínda xornada de portas abertas

ANPA SAN MIGUEL (IES Pastoriza)

sanmiguel.apa@gmail.com

https://anpaiesdepastoriza.blogspot.com/

https://www.facebook.com/anpasanmiguel/

ANPA PONTE DOS BROZOS

anpapontedosbrozos@gmail.com

http://www.anpapontedosbrozos.org/

https://www.facebook.com/anpapontedosbrozos/

ANPA NOVO ARTEIXO

anpaceiparteixo@gmail.com

https://www.facebook.com/AnpaCeipNovoArteixo/

ANPA SÉCULO XXI (IES Manuel Murguía)

anpaseculo21@gmail.com

http://anpaseculo21.blogspot.com/

https://www.facebook.com/anpaseculo21/

https://twitter.com/anpaseculoxxi

No rexistro xeral aparece algunha máis, dúas das que non temos constancia de que teñan actividade actualmente: na escola infantil (municipal) e no IES de Sabón. E unha que acaba de vir ao mundo practicamente: na unitaria de Larín. Parabéns!

RESUMO REUNIÓN XUNTA DIRECTIVA

Antes de que chegue a Asemblea, era ben comentar algo do que acordamos na reunión da Xunta Directiva. Xa todo o mundo mundial coñece da convocatoria da Asemblea para o xoves 7. Tamén decidimos encargarlle á presidencia que fora pillar un CIF para a FEDART a AEAT…. Pero aparcamos o de presentar a inscrición no rexistro do Concello e na Consellería de Educación. Tamén a apertura da conta bancaria. Pensando en non ter que repetir nun prazo curto de tempo todo o procedemento e que sexa xa a nova directiva elixida para dous anos quen apareza en todas partes. O mesmiño para o certificado dixital.

Imos facer un estudo sobre como foron as eleccións a Consellos Escolares. Valorar a comunicación do procedemento e a participación, nos sectores de nais e pais e alumnado onde corresponda. Dirixiremos un correo individualizado a cada centro para solicitar a información. Canto teñamos os datos ou cos datos que teñamos, comentaremos.

Morremos de éxito coa iniciativa da recollida para o Banco de Alimentos. Tiramos polo alto e calculamos que habendo tanto alumnado matriculado nos centros de ensino, tanta familia, tanto profesorado e coa tradicional boa resposta que teñen estas iniciativas, xuntaríamos xente de sobras para poder desenvolver as quendas de recollida. Pero fallamos na comunicación probablemente e no procedemento para apuntarse case que con toda seguridade. Tomamos nota para a próxima. Finalmente, grazas a voluntariado apuntado na iniciativa e ao xeral, non especificamente vinculado cos centros de ensino, e sobre todo pola masiva resposta da xente que foi deixando o que quixo e puido na saída dos supermercados, xuntamos miles de quilos de produtos, preto das 9 toneladas, e ademais con cestas moi compensadas (variedade e utilidade). Grazas Arteixo! E grazas tamén ás cadeas que colaboran e especialmente ao persoal que nos aturou e axudou a desenvolver a recollida.

Polo demais, quedan un lote de cousas para ir falando e tratando, na Asemblea e máis aló. Nesas estamos e estaremos.