SOLICITUDE DE UNIFICACIÓN
DOS DÍAS NON LECTIVOS
Dirixida a todos os centros de Ensino Público de Arteixo
Elevamos á súa consideración a seguinte proposta acordada entre distintas ANPAS do Concello, co rogo de que sexa considerada oportunamente.
En acordo coa orde do 20 de xuño de 2019, que aproba o calendario escolar para o curso 19/20, recollendo o indicado no artigo 7, punto 2, sendo que os festivos locais de Arteixo sexan o 25 de febreiro de 2020, martes de Entroido e en xullo do 2020, nas festas de Santiago Apóstolo, e dado que ambos se corresponderían con períodos non lectivos no calendario escolar, os centros teñen a potestade de solicitar dous días non lectivos para o período do curso. O mesmo punto da orde indica unha recomendación que nós elevamos a proposta:
Solicitamos que os equipos directivos dos centros de ensino público de Arteixo se poñan en contacto para acordar elevar aos distintos Consellos Escolares unha proposta de días non lectivos unificada para todos os centros do Concello.
Cada ANPA presentará oficialmente un escrito no seu centro con esta petición e a FEDART o fará en aqueles onde non exista actividade asociativa.
Federación Anpas Arteixo - FEDART
APA A Gaivota
